عين على القرآن وعين على الأحداث

لغــز

|| أدب وشعر || أمين الجوفي

مـَن يـحلّ اللغز ذي مقدرت احلّه!!

وين جات اهل المعاهد والشهايد؟

دمّ واحـــد حـــرّك الـعـالـم بـكـلّه!!

والـيمن يُـسفك دمـه والكل راقد!!

أي ديـــن؟ وأي شــرع؟ وأي مـلّـة؟

فـضّلوا واحـد عـلى مليون واحد!!

أظـهـروا عـلّـة وغـطوا ألـف عـلّة!!

حـمّـلوا فـاسد وبـرّوا ألـف فـاسد!!

دم (خاشـقجي) جمـع عالم بفـلّه!!

والـمنازل في اليمن صـارت مـراقد!!

مــا حـدا نــــدّد ولا اتــجـرّا يـقـلّـه

بـالجرايم ذي فـعل لـجل الفوايد!!

والـضـمير الـعـالمي ذي خـاف ظـله

وين هو من حربنا؟! قالوا محايد!!

مـا تـحرّك شـبـر واحــد مــن مـحـلّه

راح نـصّ الشعب والملعون قاعد!!

سِــلّ سـيف الـنصر يـا مظلوم سـلّه

ورع سلمان افـتضح واولاد زايـد!!

انــكـشـف غِــلّـه وحِــقـده بــالأدلـة

في الـسـفـارة والـمـواقـع والـجـرايـد

ضـاع شـعب الـمملكة من يتصل له

لجـل اقـل لـه بالـحقائق والشـواهد

إن تـبـا الـعـزة فـكـثر الـهـرج زلّــه

قـالـوا الـثـورة تـبـا بــارق وراعــد

وانْ تــبــا الـسـلّـة تـبـدلـهـا بــذلّـة

والــمــبـادئ تـنـتـعـلـها والــعــوايـد

هــات راســك لا حـلـق عـمّك وبـلّه

لـلـمـنـاشـير الـصـقـيـلـة والـمــراود